( ايه ذنبي اني ابويا يطلق امي )
عندما وعيت علي هذه الدنيا لم اجد شي اكثر من الحزن والمشاكل وكلام من الناس مش عاجبني وظلم وخداع وقلق مش عارف اتعامل مع حد مش عارف اثق في حد مش عارف اكلم حد الناس بتبصلي بصات مش حلوه الناس بتبعد عني .
طيب ليه كل دا انا ذنبي ايه ؟؟
ليه هما يطلقو ويحطوني انا في الموقف دا ؟
قبل ما يطلقو مفكروش فيا ؟
مفكروش في العيشه الي هعيش فيها بعد ما يطلقو ؟
مكنوش عرفين كل دا هيحصل معايا ؟
ليه يظلموني كدا ؟
طيب حتي لو كان في مشاكل بينهم ميحلوهاش ليه ؟
هتقول ليا المشاكل كبرت طيب مسيطروش عليها ليه ؟
ليه توصل للطلاق وانا تاذي معاكم انتو اغلطو مع بعض ومعرفتوش تسامحو بعض معرفتوش تحلو مشاكلكم مع بعض معرفتوش تفكرو فيا ولو للحظه معرفتوش تحطو نفسكم مكاني ولو للحظه وتشوفو انا حاسس بايه .
تحاولو تقدروني وتفكرو فيا
طيب انا مين بالنسبه ليكم ابنكم ؟
طيب في اهل يعملو في ابنهم كدا .....
في اهل يأذو ابنهم كدا وميفكروش فيه .....
طيب وبعد اللي انتو عملتوه فيا دا مستنيين مني اني احب حد فيكم ؟
علي فكره انتو كان ممكن متوصلوش للمرحله دي .
وانا كمان مكنتش هوصل لكدا .لو فكرتو فيا بجد
لو حطيتو نفسكم مكاني مكنش هيحصل كدا مكنتوش هتعملو كدا .
انا عايش معقد بسببكم.
انا خايف من حاجه اسمها زواج بسببكم .
خايف بعد متزوج يحصل معايا كدا وآذي ناس ذي ما انتو عملتو فيا كدا .
وبعد الي حصل معايا دا معنديش كلام اقوله غير للناس اللي متزوجه وفي مشاكل في حياتها
بص بقا كل الي عليك انك تحل مشاكلك دي باي طريقه حتي لو اطريت تدوس علي نفسك بس مطلقش وتاذي نفسك واعيالك
كل الي مطلوب منك تفكر بعقل وانتي تفكري بعقل تفكر بعد الطلاق مين هيتاذي مين هيتضر .فكر بعقل مش بتهور تجنب المشاكل علي كد ما تقدر اعرف ان بينك وبينها مفيش فرق اعرف انكم بتكملو بعض يعني لازم تستحملو بعض متاذوش نفسكم واللي حول منكم
( ياريت تفكرو بعقل بعد اذنكم )
اذا اتممت القرأه حاول تشجعنا في نشر المذيد وشكرا لكم
ليست هناك تعليقات:
إرسال تعليق